Typisch Deustch

by nana bochorishvili — უკანასკნელი ცვლილება 2013-01-18 21:29Share

გაკვეთილის ავტორი	ნანა ბოჭორიშვილი
გაკვეთილის თემა	ტიპიურად გერმანული, ტიპიურად ქართული.  (ქართველი გოგონას თვალით დანახული გერმანია)
სწავლების საფეხური/კლასი/საგანი	საბაზო/საშუალო. მეთერთმეტე  კლასი. გერმანული ენა
მოსწავლეთა რაოდენობა	8
აქტივობის მიზნები	ძიებითი  კითხვის მეთოდით მოძებნიან სასურველ ინფორმაციას ტექსტში.  ვიდეო მასალიდან შეძლებენ მათთვის საჭირო ინფორმაციის ამოკრებას.
მისაღწევი  შედეგები/ინდიკატორები	უცხ.ს.IV.6. მოსწავლეს შეუძლია წაიკითხოს და გაიგოს სხვადასხვა სახის ინფორმაციული ტექსტი (მაგ., მასალა საყმაწვილო ენციკლოპედიიდან, სტატია საყმაწვილო ჟურნალიდან/გაზეთიდან, ანოტაცია, ცნობარი და სხვა) . ·           1.  ამოიცნობს მთავარ თემას/საკითხებს; ·           2. ამოიცნობს ტექსტის ზედაპირზე (ექსპლიციტურად ) მოცემულ ფაქტობრივ ინფორმაციას; უცხ.ს.V.2. მოსწავლეს შეუძლია მოისმინოს და გაიგოს სხვადასხვა სახის აუდიო/ვიდეო ჩანაწერი(საინფორმაციო გადაცემა , ტურისტული რეპორტაჟი, ინტერვიუ) ნაცნობ თემატიკაზე. ·           1. ამოიცნობს გადაცემის რუბრიკას ( მაგ., ახალი ამბები უცხოეთიდან, სპორტის/კულტურის სიახლეები , პრესის მიმოხილვა , რეპორტაჟი და სხვა ); ·         2. ამოიცნობს ძირითად თემას/საკითხებს; უცხ.ს.V.10. მოსწავლეს შეუძლია მიმართოს სხვადასხვა სტრატეგიას საკითხავი ამოცანების ეფექტურად გადაჭრის ხელშესაწყობად და კითხვის უნარის გასაუმჯობესებლად. ·           3 იყენებს ძიებითი კითხვის ხერხებს: კონკრეტული ინფორმაციის მოძიების მიზნით,სწრაფად გადაიკითხავს ტექსტს, ეძებს საყრდენებს: საკვანძო სიტყვებს, აბზაცების პირველ წინადადებებს, რუბრიკებს, განმარტებებს, სქემებს, ტაბულას და სხვა; უცხ.ს.V.17. მოსწავლეს შეუძლია მისთვის ნაცნობ თემებზე ლაპარაკი. ·           1.  გადმოსცემს წაკითხული/მოსმენილი ტექსტის შინაარსს;
თანმიმდევრობა და დრო	A ●        მისალმება/ მოთელვა (1 წთ.) ●        კედელზე  გავაკრავთ  ორ ნაწილიან სქემას (Ν 1) რომლის ერთ მხარეს წერია "TypischDeutsch"  ხოლო მეორე მხარეს " TypischGeorgisch"   ვთხოვ მოსწავლეებს  გონებრივი იერიშის გზით  შევავსოთ  სქემის ორივე მხარე. (5წთ.) B ●        მასწავლებელი აძლევს მოსწავლეებს ინსტრუქციას: მათ უნდა  ნახონ   ვიდეო რეპორტაჟი და ჩაინიშნონ ის ძირითადი მახასიათებლები  რომლებიც რეპორტაჟის გმირთა აზრით დამახასიათბელია გერმანელი ხალხისათვის. (8 წთ.) ●        შედეგებს განვიხილავთ ფორუმში. სქემა Ν 1-ზე დავამატებთ იმ მახასისთებლებს რომლებიც ბავშვებს არ დაუსახელებიათ გამოწვევის ფაზაში მაგრამ ვიედეოში ნახეს და მოისმინეს. (2 წთ.) ●        მოსწავლეებს ვყოფ წყვილებად.ვთხოვ მათ  შეასრულონ  გვ.33-ზე მე-4 თავის  პირველი სავარჯიშო,რომელიც შემდეგი სახისაა: მოსწავლეებმა  უნდა წაიკითხონ შვიდ ნაწილად გაყოფილი ტექსტი და შეუსაბამონ მათ a-g  თემები. შედეგებს განვიხილათ ფორუმში (15 წთ) C ●        დავყოფ მოსწავლეებს ორ ჯგუფად და ვთხოვ შეასრულონ მეორე სავარჯიშო,რომელიც მათ ავალებს ტექსტში არსებული ფაქტობრივი ინფორმაციის ერთმანეთთან დაკავშირებას/ წინადადებათა წყვილების შექმნას. (5 წთ.) ●        ვაჯამებთ გაკვეთილს მოსწავლეები  მესამე სავარჯიშოს დახმარებით თავს მოუყრიან წაკითხულ და ნანახ ინფორმაციას და გადმოსცემენ გერმანელი ხალხის ყველაზე მეტად შესამჩნევ მახასაითებლებს. (5 წთ) ●        ბოლოს მოსწავლეებს ვაყურებინებ პოპულარული გერმანული ჯგუფის პრინცების სიმღერაზე აგებულ ვიდეო კოლაჟს  Deutschland .(3წთ) დავალება.  მოსწავლეთა  ერთმა ჯგუფმა უნდა მოამზადეოს ფოტო ან ვიდეო კოლაჟი თემაზე "ტიპიურად ქართული" ხოლო მეორე ჯგუფმა დაწეროს იგივე თემაზე მცირე ტექსტი. (1 წთ.) დავალების შესასრულებლად მოსწავლეებს მიეცემათ ერთი კვირა.
შეფასება	განმსაზღვრელი
საგანმანათლებლო რესურსი	მოსწავლის წიგნი Natürlich Deutsch . დაფა, ცარცი. კომპიუტერი, პროექტორი, სქემა შესავალი ფაზისათვის.

შეფასების საგანი/კრიტერიუმები	ქულა	მოსწავლის შედეგი
მოსწავლე ისმენს უცხოენოვან ინტერაქციას და ამოკრებს  მისთვის საინტერესო ინფორმაციას	0-3
მოსწავლე კითხულობს ტექსტს და ასრულებს ტექსტის შინაარსზე აგებულ სავარჯიშოებს	0-2
მოსწავლე მიმართავს სხვადასხვა სტრატეგიას უცხო სიტყვების გაგების მიზნით. (იყენებს ლექსიკონს, აკვირდება კონტექსტს, ეკითხება თანაკლასელებს)	0-1
ზეპირად გადმოსცემს  ტექსტის და ვიდეოს მთავარ შინაარსს.	0-3
მუშაობს  წყვილში და ჯგუფშიმუშაობს  წყვილში და ჯგუფში	0-1